Ledit Eschiquier.

E T cependant, et au deuant de ladite prochaine assise, le Sergent ira sur Eles lieux, et y fera estre des Nobles et vauasseurs non suspects iusques au nombre de douze de la banlieue, si tant on en peut recouurer : ou sinon, et qu’il n’y ait assez Nobles et vauasseurs, on fournira le nombre de plus prochains et anciens voisins du lieu. Et aussi y fera estre des ouuriers, s’il y a edifices, et vignes laucunes en y a. Et d’iceux sera fait appreciation, et mesmes des rentes, et droicts seigneuriaux, Cour et vsage, et autres redeuances, selon ce que dit est c’est à sçauoir à vn prix de rente, ou monnoyé à la value au prix du Roy, autant qu’on en pourra acquitter et rauoir. Lequel prix le Sergent mettra en escrit en leurs presences, pour en faire rapport deuant Iustice.

Et à l’assise ensuyuant lesdits Nobles, ouuriers, et voisins viendront en la presence du Sergent, faire le serment solennel que loyaument ils apprecieront l’heritage. Et le serment receu, tout le prix sera mis et redigé par escrit en leurs presences.