Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
Aux chapitres De querelles, et De Haro.
O Verelle personnel1 est contens demené entre celuy qui se plaint et celuy de qui il se plaint, pour tort qui a esté fait à la personne d’aucun. De ces querelles les vnes sont de faict, et les autres de dict. Querelle personnel qui de scend de faict, est force qui a esté faite à aucun, si comme. de bateures, playes ou telles choses.
Des ces querelles l’vne est simple, et l’autre criminelle. La simple est cellet qui doit estre terminee par simple loy 2 : etest appelee querelle simple, pour ce que ceux qui meffont, en sont chastiez simplement3, ainsi comme l’enfant, de la verge. La criminelle est celle qui est terminee par loy apparissant : et est appelee criminelle, pource qu’elle naist de tel crime, de quoy l’homme doit et peut perdre vie, ou membre : comme querelle de meurdre et d’homicide4 , de mehaing 6, de treues enfraintes, de despucellement de femmes à force, de roberie, d’assaut de charrué, d’assaut de maison, ou en la possession de cil qui fut assailly, et de trahison.
Querelle personnel.
Ces querelles ne sont pas mal appelees personnelles. Car mesmes en droict les actions qui descendent de malefice, sont appellées personnelles. Sedes appellatio latius patet. Car elle s’estend aussi bien aux actions qui descendent des contracts, que la Coustume appelle querelles de conuenant, et les met au rang des actions qui appartiennent aux choses.
Par simple loy.
C’est à dire par tesmoignage de certain, ou par desrene. Et la criminelle se terminoit par loy apparissant, c’est à dire par bataille, dont sera parlé cy apres.
Chatiez simplement.
C’est a sçauoir d’amende pecuniaire enuers le Roy, et enuers la partie, comme il sera dit cy apres.
De meurdre et d’homicide.
Aucuns font différence entre meurdre et homicide, disans que meurdre ou meurtre se fait scientement ou volontairement, et de propos deliberé : et homicide combien que ce soit terme general, est entendu de celuy qui aduient in rixa, et qui est commis de chaude cole.4
ADDITIO.
Ce terme pourroit sembler assez impropre, n’estoit qu’il rapporte à ce mot Grec, XoXi, quod posiium sine adiuncto. flauam bilem per antonomasiam significat, et proira accipitur, parquoy il doit estre escrit par ch. qui respond au X Grec, et auec l simple, iellement que par chaude cholere vaut autant que par grande et feruente cholere.
ADDITIO.
Il est ordinairement prins pour toute blessure et coup donné à sang et playe : et est langage peculier à ce pays de Normandie.