Charles ix-tenant ses Estats à Orléans 1560.

E Nioignons à nos Baillis et Seneschaux, ou leurs Lieutenans, et autres nos cofficiers chacun en son district, faire commandement à tous ceux qui s’appelent Bohemiens, ou Aegyptiens, leurs femmes, enfans et autres de leur suitte, de vuider dedans deux mois nos Royaume et pays de nostre obeissance, à peine des galeres, etde punition corporelle. Et s’ils sont trouuez ou retournent apres lesdits deux mois, nos Iuges feront sur l’heure, sans autre forme de procez, raser aux hommes leurs barbes et cheueux, et aux femmes et enfans leurs cheueux, et apres deliureront les hommes à vn Capitaine de nos galeres, pour nous y seruir l’espace de trois ans.

Ce sont gens errans et vagabons, ramassez de toutes nations qui se disent Aegyptiés ou Bohemiens, et que ceste penitence a esté eniointe à leurs predecesseurs et à leur posterité, pour s’estre reuoltez de la foy Chrestienne, de peregriner ainsi comme ils font, et passer d’un pays en autre. Gens larrons, se messsans de deuiner, et principalement leurs femmes, abusans les simples gens en leur disant leur bonne auenture par la chiromancie, et inspection de leurs mains.