P Ource qu’aucuns qui se messent de pronostiquer les choses à Evenir, publient leurs Almanachs et pronostications passans les termes d’Astrologie, contre l’expres comandement de Dieu : chose qui ne doit estre tolèrce par Princes Chrestiens, Nous defendonsà tous Imprimeurs et Libraires, à peine de prison et d’amende arbitraire, d’imprimer ou exposer en vente aucuns Almanachs et pronostications, que premierement n’ayent esté visitez par l’Archeuesque, ou Euesque, ou ceux qu’ils commettront. Et contre celuy qui aura faict et composé lesdits Almanachs sera procede par nos Iuges extraordinairement, et par punition exemplaire.

E Nioignons à nos Baillis et Seneschaux, ou leurs Lieutenans, et autres nos cofficiers chacun en son district, faire commandement à tous ceux qui s’appelent Bohemiens, ou Aegyptiens, leurs femmes, enfans et autres de leur suitte, de vuider dedans deux mois nos Royaume et pays de nostre obeissance, à peine des galeres, etde punition corporelle. Et s’ils sont trouuez ou retournent apres lesdits deux mois, nos Iuges feront sur l’heure, sans autre forme de procez, raser aux hommes leurs barbes et cheueux, et aux femmes et enfans leurs cheueux, et apres deliureront les hommes à vn Capitaine de nos galeres, pour nous y seruir l’espace de trois ans.