Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
Au chapitre De seigneurs et de leurs hommaves.
L’En doit sçauoir qu’aucun ne peut appeler de felonie son seigneur à qui vil a fait hommage, ne le seigneur son homme, pour la foy que l’un doit porter à l’autre. Mais se le seigneur veut ainsi suyr son homme, il conuient qu’il luy rende son hommage, ains qu’il luy offre son gage de l’appeler, et l homme aussi. Et se le seigneur enchet, l’homme ne tiendra iamais de luy la terre ne le fief qu’il en tenoit : mais la tiendra nuement du seigneur qui est par dessus : et en fera audit chef seigneur, ce que son seigneur luy en faisoit1. Et si l’homme est vaincu, la terre remaindra quitte au seigneur.
Que son seignieur luy en faisoit.
C’est à dire l’hommage et les droicts seigneuriaux que le seigneur de l’homme en faisoit au chef seigneur : mais il demourra quitte des rentes et redeuances qu’il en faisoit à son seigneur.1
ADDITIO.
Voyez cy dessus au 5. liure Tit.De teneu, par hommag . s. 2. où il est traité de la feauté requise reciproquement entre vassal et le seigneur : et que le seigneur peut estre dit commettre felonnie contre son vassal : et de la peine en ce cas ensuiuie par les arrests.