Es mots de verdier, gruyer, etc. signifient un seul office, ainsi diuersement nommé par diuers articles de ces ordonnances, selon la diuersité du temps, et des-lieux et pays où les offices sont establis. Et pource que lesdites ordonnances bien souuent traitent ensemblement de l’office du maistre particulier, et de son Greffier, et de l’office de verdier ( qui est le nom vsité en ce pays ) nous les auons assemblez sous vn mesme titre, mettant toutesfois par ordre premierement les articles qui touchent l’office d’un chacun à part : et puis apres les articles qui regardent les deux en commun.