Henry 1554.

V Oulons et ordonnons que pour la conseruation de nos bois et forests, les maistres tant anciens, que par nous nouüellement creez, et aussichacun de leurs Lieutenans en son regard, visitent deux fois l’an bien et deuëment nosdites forests de garde en garde, en la presefce des verdiers, et Serges d’icelles. Et de tout ensemble des delicts, entreprinses et mal-versations y commises, ils facet procez verbaux en bonc et deuë forme : lesquels quinze iours, ou vn mois apres ils seront tenus de bailler et mettre es mains de nostre Procureur esdites eaux et forests en iugement, dont sera fait acte. Auquel nostredit Procureur auons semblablement enioint voir bien et diligement lesdits procez verbaux, et des delicts et mal-versations qu’il trouuera en iceux, ensemble de tous autres delicts qui iournellement se commettent esdites forests, faire les poursuites, sur peine de s’en prendre à Iuy.