1518.

P Ource qu’auons entendu que les maistres de nosdites eaux et forests et leurs Lieutenans ne se contentent de la somme de dix sols Parisis enpays de Parisis, et dix sols tournois en pays de tournois, à eux tauxez et ordonnez par les ordonnances de nos predécesseurs, pour le seel et escriture des lettres de vente et deliurance de la plus grande vente par eux faite en, nosdites forests : Nous defendons ausdits maistres leurs Lieutenans et comis, que pour raison de quelque vente qu’ils feront esdits bois et forestea soit que les, deniers desdites ventes nous appartiennent pour le tout, ou qu’autre y ait part et portion, ils prennent fors ladite somme de dix sols Parisis en pays de Parisis, et dix sols tournois en pays de tournois : sur peine d’amende arbitraire, et de restitution du double de ce qu’ils prendront outre lesdits dix sols, et ce pour la premiere fois : et où ils seroyent coustumiers de ce faire, sur peine detpriuation de leurs offices.

Semblablement auons esté aduertis que les gruyers, verdiers, maitres de garde ousmaistres Sergens ne se contentent des gages à eux ordonnez pour assister aumesurage, et marte lage des ventes : mais prennent et exigentaue gent des marchans de nosdites forests, tant pour les encheres, martelage et mesurage, qu’autrement. qui est à la diminution du priz desdites ventes : a ceste cause pour oster toute exaction, ordonnons que lesdits gruyers, verdiers, maistres de gardes, et maistres Sergens auront d’orenauant la somme de huict sols pour leur salaire et vacation de chacune iournee entière qu’ils vaqueront pour assister au mesurage et martelage des ventes, martelage des pieds corniers ou coings d’icelles, et retention de bailliueaux. Et s’ils n’y vaquent iour entier, en auront pour portion de temps à ladite raison. Dont ils seront tenus, dedans la quinzaine ensuyuant, bailler à nostre Receueur ordinaire certification signee de leur Greffier : par laquelle ils declareront et affermeront la quantité et nombre d’arpens de bois vendu et martelé, et des bailliueaux retenus, et les iours qu’ils auront vaqué ausdits mesurages, martelages, et retention desdits bailliueaux, et les noms et surnoms des assistans à iceux, autrement perdront le salaire des iours non déclarez, Et leur defendons de prendre autre chose des marchans, ou autres : sur peine d’amende arbitraire, et de suspension de leurs offices pour la premiere fois, et pour seconde sur peine de priuation de leurs offices, et de punition corporelle.1