François 1515.

lesdites forests escheent aucuns caables, coupeaux, tronches, branches ou aucuns demourans, ils seront vendus par les maistres, ou par les verdiers, gruyers, gardes ou maistres Sergens, au profit de nous, par garde, et non pas tous ensemble. Et ne seront pas les encheres passees à trois pletsemais d’un chacun marché sera mis enchère au premier iour du premier payement. Sauf que se le premier marché montoit plus de vingt liures, et qu’il n’y escheist qu’vn seul payement, ils seront passez à enchens de trois plets. Et seront vendus par compte, et par marque, non pas par places : et le compte mis en escrit, et rapporté au Viconte ou Receueur par le verdier, gruyer, garde ou maistre Sergent.

Que sous ombre du caable ou autrement l’on ne face vente de chesnes ni autres arbres en estant, sur lesquels les autres arbres abatus par caable ou autrement seroyent encrouëz Mais soyent au marché du caable les entiers laissez et exceptez, si les marchans ne les peuuent abatre fas celuy en estat couper. Et apres l’en verra mieux qu’il en sera à faire et ordoner pour nostre profit.