Es maistres de nos eaux et forests visiteront et vendront les pasnages, appelé auec eux par exprez le Viconte ou Receueur à qui en appartient la recepte, et autres qui ferot à appeler. Lequel Viconte ou Receueur ou son Lieutenat, au cas qu’il n’y pourra estre en persone, auravingt sols, son clerc cinq sols : le verdier, gruyer, garde ou maistre Sergent dix sols : et les Serges qui y seront presens, chacun douze deniers. Et auec ce pourront prendre en despese, pour plus legerement marchander auec les marchans, quarante sols et au dessous, et non plus. Lesquels quarante sols serot prins des deniers que l’on mettra au chapel en la manière accoustumee. Combien que les marchans qui prennent les paissons et pasnages de nos forests, ayent accoustumé auoir toutes les forfaitures et amendes qui escheent pour ceste cause : nous voulons que d’orenauant nous en ayons la moitié, et lesdits marchans l’autre : afin que nuls ne s en puissent exempter d’orenauant sous ombre de ce.

D It est que les fermes de la paisson et glandee des forests de Conches et Bretueil se bailleront par chacun an au plus offrant et dernier encherisseur, au profit du Roy, apres le criees deuëment faites. Dedans lesquelles forests les fermiers du Roy ausquels les fermes desdites paissons seront ads augees, pourront mettre et faire mettre et affeurer à leur profit, à tel prix que ils verront bon estre, nombre modéré de porcs, qui sera limité par les Officiers desdites forests, selon que la glandee le pourra porter, visitatiÉ par eux deuëment faite : laquelle ils seront tenus faire trois iours precedens ladite adiudication. Sans preiudice des porcs des coustumiers desdites forests less quels y pourront mettre leurs porcs estans de la nourriture de leurs maisons, sans y commettre fraude et abus, sur peine de priuation de leurs droitures, confiscation desdits pores, et autre amende arbitraire. En payant par lesdits coustumiers au marchand fermier de ladite paisson, les droicts pour ce deus et accoustumez. Lesquels pores tant ceux qui seront mis et affeurez par les fermiers du Roy, que des coustumiers, seront enregistrez le iour precedent ladite adiudication. Et ne pourront entrer ni estre mis esdites forests iusques au lendemain d’icelle adiudication, sur peine de confiscation desdits porcs et autre amende arbitraire. Et seront les porcs mis et affeurez par lesdits fermiers, merchez à feu pour recognoissance. Et ont fait et font lesdits Iuges defense aux Officiers d’icelles forests, de prendre directement ou indirectement aucuns deniers desdits coustumiers, ni estrangers, pour l’issuc desdits porcs hors lesdites forests, apres le pasnage finy, sur peine d’amende arbitraire.