Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
Charles vij.
Q V’incontinent apres que lesdits Presidens et Conseilliers seront entrez ausdites heures, ils se mettent à besongner és matieres et affaires de ladite Cour, sans ce qu’ils entendent à autre chose faire. Et prohibons et defendons que depuis que lesdits Presidens et Conseilliers seront entrez en ladite Cour, ils, ou aucuns d’eux ne se leuent du lieu qu’ils auront prins audit conseil, s’il n’y a cause raisonnable. Auèc ce defendons qu’aucuns desdits Presidens ou Conseilliers, depuis qu’ils seront entrez en ladite Cour, n’issent hors d’icelle pour aller tournoyer et vaguer parmy la salle du Palais auec quelque personne que ce soit. Et voulons et ordonnons que ceste ordonnance soit gardee tant aux iours de plaidoirie, que de conseil.1
ADDITIO.
La fin de ceste ordonnance tend pour monstrer la grauité, et le decore, que doyuent tenir au sacré Parlement, messieurs les Presidens et Conseilliers portans et faisans honneur les vns aux autres : et par dessus tous, aux Presidens. Plutarque ayant curieusement veu, et pratiqué les oeuures d’Homere, pour s en seruir aux establissemens et regime des Royaumes, et Republiques, Estats bien ordonnez : dit bien à propos, quod receptum est apud omnes, ve honos defferaiur prastantioribus. Ià Di quoque faciunt, Homeri testimonio : Ioue enim intrante, ait Homerus.
Homere en cest endroit, comme Poente tres-ingenieux, et politique feint vn Senat de Dieux où Iupiter preside : nous donnant à entendre par ceste figure, la tres exceliente dignité de celuy qui est President en un Senat, remply et enuironné de personnes heroiques. Lesquels pour leur grand sçauoir, antiquité et longues experiences, nous deuons admirer et reuerer, non comme simples hommes, mais comme quelques Dieux terrestres, qui tous estans vne fois entrez, et assis au conclaue, doyuent tenir constamment leur siege, et grauité, sans legerement, et hors occafion sortit, et diuaguer, et à plus forte raison celuy qui comme chef leur preside. Lequel en se mouuant, et pour sortit, passant souuent par le milieu de tous, pourroit engendrer quelque contemnement de ceste magnifique assurrection et reuèrence dont est faite mention an 29. S. de ce titre.