François 1530.

N Ous ordonnons que les Mercuriales se tiendrot de mois en mois, sans ly faire faute : et que par icelles soyent pleinement et entièrement deduites les fautes des Officiers de nos Cours de Parlement, de quelque ordre ou qualité qu’ils soyent : sur lesquelles sera incontinent mis ordre par nosdites Cours, et sans aucune retardation ou delay. Dont neantmoins voulos estre aduertis, et lesdites Mercuriales, et ordre mis sur icelles, nous estre enuoyez de trois mois en trois mois : dont nous chargeons nostre Procureur general d’en faire la diligence.