Ar le Style de ladite Cour de Normandie conforme à la coustume dudit pays, les parties litigantes en ladite Cour, dedans les vingtquatre heures apres le iour des presentations escheu, si elles sont tellement malades ou indisposees, qu’elles ne puissent venir et comparoir à leur assignation à pié ny a cheual, peuuent enuoyer leur exoine par homme ayant pouuoir et mandement especial de proposer, iurer et affermer ladite exoine en ladite Cour. Et le serment prins, ladite exoine pour vne fois delaye la couse à l’arbitre et discretion de la Cour. Et ce ës doleances et appellations verbales, et matieres ordinaires, et non en procez par escrit és matieres prouisoires et priuilegiees, ausquelles n’est loisible de proposer exoine.